الزواج فى الدول العربيه

من طرف **الغافقى** الثلاثاء أغسطس 23, 2011 4:43 am

مع أننا كوطن عربى مشتركين فى الحضاره والديانه واللغه

إلا أن لنا عادات وتقاليد وثقافات متعدده فى كثير من مظاهر حياتنا اليوميه

ومن تلك العادات والتقاليد تقاليد الزواج

فمن مهور وذهب يعطى هديه للعروس بالسعوديه

إلى مهور تدخل فى تجهيز بيت الزوجيه بمصر كمساعده للشاب

إلى إلى إلى

تختلف العادات والتقاليد

تعالوا لنتعرف عليها سويا من كل بلد

إحكى لنا عن دولتك وكيف هى تقاليد الزواج من أول إختيار العروس

بإنتظاركم

من طرف **اشراقة حب** الثلاثاء أغسطس 23, 2011 4:10 pm

لكل بلد خاصيته وخصوصيته، ولكل مناسبة طقوسها المختلفة والمتميزة،
وهذا ما تؤكده عاداتنا المتوارثه في تونس الخضراء

التقدم لخطبة العروس.

هناك عادات كثيرة لخطبة العروس فهي ليست مجرد مناسبة عابرة
، وخصوصا بالنسبة لأهالي تونس الذين من أهم عادتهم الأولية في الخطبة
أن يسأل كبير عائلة العريس كبير عائلة العروس لخطبة كريمتهم فان وافق
يجتمع جميع أهالي العريس ويزورون بيت العروس في موعد قد حدد بين الطرفين
فيجدون جميع أهل العروس في انتظارهم وتسمى هذه الليلة (صلة التعارف)
وذلك لأن العائلتين يتعرفان فيها عن بعضهما البعض ويخطبان الفتاة في نفس الوقت،
وذلك بترديد جملة مشهورة وهي"جيناكم خاطبين راغبين
في بنت الحسب والنسب"
فان قبلت الفتاة يرجع أهالي العريس الليلة الموالية هم وجميع من يقربهم
وأيضا معهم (شيخ الجامع) أي إمام المسجد حسب اللغة المحلية وذلك لقراءة الفاتحة
والدعاء للخطبين بالخير وتكليل خطبتهما هذه بالزواج ويسمى هذا اليوم (قريان الفاتحة)
.وهنا لم تنتهي بعد مراسم الخطبة ففي الليلة الموالية يتم إحظار بعض الهدايا
للعروس كالملابس والعطور وأدوات التجميل والحلوبات وكعكة الخطبة المكونة
من خمس إلى سبع طوابق مع (صيغة العروسة)وهي عبارة عن خاتم الخطبة
وعقد من ذهب، وبالطبع كل حسب قدرته مع إقامة حفلة كبيرة تتمازج فيها ألوان
الرقص والغناء من كلا العائلتين ، وبذلك تنتهي مراسم الخطبة لتبدأ مرحلة التجهيز
لحفلة الزواج بشراء جهاز العروس وحجز القاعة التي سيقام فيها العرس،

ولكن برأي أن بعض من عادات الخطبة يجب إلغائها أو التقليل منها لما فيها
من إسراف ونفي لما قاله الله تعالى :"ان المبذرين كانوا اخوان الشياطين
وكان الشيطان لربه كفورا".

حفلات الزواج:
من الممكن أن يستغرب البعض عن سبب إبدالي كلمة حفلة ب(حفلات)
السبب بسيط ففي تونس يستمر العرس ثلاث أيام متتالية كل يوم وتسميته وكل يوم
وعاداته وهي مختلفة في بيت العريس عن بيت العروس..

اليوم الأول(نهار الحمام والحنة الصغيرة) وهو يوم تذهب فيه العروس
وصديقاتها وأهل العريس من النساء إلى الحمام المغربي
((:وهو مبنى يوجد في كل منطقة تقريبا يستحم فيه الناس بماء البئر
بعد تسخينه وحرارة هذا المبنى مرتفعة من الداخل)).ليستحموا حمام العرس
وبعد الانتهاء تلبس العروس التخليلة( وهي لبس تونسي تقليدي يتكون
من قطعة قماش حمراء اللون تقريبا مخططة تلف بطريقة خاصة يلبس
تحتها قميص أبيض اللون مطرز تطريز خاص وسروال أبيض واسع مطرز أيضا).

بعد ذلك تذهب العروس إلى بيتها لتنتظرها حفلة (الحنة الصغيرة)
ترقص فيها الفتيات وتغني وبعض الأحيان تغني في هذه الليلة فرقة غنائية
تعرف بالسلامية (وهم مجموعة من الرجال ينشدون الأغاني الدينية التونسية
أو الصوفية ) ثم تحني الفتيات للعروس يديها ورجليها وتحنى أيضا الفتيات
غير متزوجات مع العروس.

اليوم الثاني (نهار كتبان الصداق والحنة الكبيرة )في صباح اليوم الثاني يعقد
العروسين قرانهما فيصبحان زوجين أمام الله وعباده .ويحضر هذا اليوم عدول العقد
والشخصيات الدينية المعروفة في تلك المنطقة. فتتلى خطبة ويقع القبول
والإيجاب ويبخر المكان ويرش الحاضرون بالطيب وتوزع عليهم كؤوس الشربات
ويقف أبو العريس والعروس ويتقبلان التهاني. وفي المساء تبدأ حفلة الحنة الكبيرة
وتسمى (الوطية) في الساحل التونسي وفي هذا اليوم تلبس العروس لباس ذهبي اللون
جميع أجزائه مطرزة بالعقيق مما يجعله ثقيلا أي ما يقابل 30 كجم،
وتقوم على تلبيس العروس وتزيينها ومساعدتها على المشي امرأة تسمى (الماشطة)
وعند وصول العروس إلى المنصة يكشف عن وجهها الذي كان قد غطي بوشاح مطرز،

وبعد ذلك تلف العروس حول نفسها سبع مرات يبطئ وذلك ليرى الحضور زينتها
وفي أثناء دورانها تقوم امرأة تسمى (العشاقة) بمدح الرسول صلى الله عليه وسلم
ومدح جمال العروس وأخلاقها. وفي وقت المغرب يحضر أهالي العريس لمشاركة
العروس فرحتها لأخر الحفلة.وفي آخر الحفلة يحضر مجموعة من الشباب
(العراسة)لأخذ حنة العريس من أهل العروس ولكن بشرط أن تسلم الحنة فتاة
غير متزوجة وأن لا تعطيهم الحنة إلا بمبلغ يعطى لهذه الفتى تقدره هي
من قبل أهل العريس.بعد ذلك تبدأ حفلة أخرة ولكن في بيت العريس تكون
لأصحابه وذلك ليحني العريس نصف إصبعه الأصغر وبعد يكون وقت ذبح المواشي
لاطعام الحضور في اليوم التالي وارسال( قصعة العروسة) .

اليوم الثالث (نهار الزهاز والمرواح )في صباح هذا اليوم تتلقى العروس (قصعة)
وهو طبق كبير يحتوي على الكسكسى وهي الأكلة المشهور بها أهالي تونس
تحتوي على مئة بيضة و مئة قطعة من اللحم توزعها العروس على أهلها
وجيرانها والفقراء. وفي الظهيرة يذهب أهل العريس بسيارات كثيرة وذلك
لإحضار جهاز العروس إلى بيت زوجها وقبل إحضاره يتجولون في كامل
المدينة بسياراتهم لعرض الجهاز، وفي الليل تكون نهاية هذه الرحلة وهو
(المرواح ) وهو يوم تزف فيه العروس من قبل أهلها إلى بيت زوجها
وبعد انتهاء الحفلة يرجع أهل العروس إلى بيتهم والشموع المضيئة بأيديهم
وهم يغنون الأغاني التونسية وذلك تنتهي حفلات الزواج، و لربما يدور
في رأس البعض عن جمال هذه العادات ولكن برأيي أنها مطولة ومكلفة
بعض الشيء لذلك تجد هم شباب تونس الوحيد عن مصدر حصولهم
على الأموال التي يحتاجونها لإتمام نصف دينهم.

هذا ما جال بخاطري الان وما تعلمته من الاجداد والاقارب والاهل
وانتظر عاداتكم اخي الغافقي وشرح مفصل اكيد
مودتي

من طرف **الغافقى** الثلاثاء أغسطس 23, 2011 6:05 pm

هههههههههههههههههههههههههه

لا بسيطه جدا وسهله

ايه ده ياهدى

ده الواحد يتزوج تانى بقى بس من تونس

طالما بالسهوله دى

facher

بس يارترى الاقى عروسه تونسيه

ليه كل ده

ده تعقيد والله

هى بالفعل فرحه كبيره وجميله بس كده اظن الزواج عندكم بيتم بصعوبه

يلا الحمد لله على كل حال

بالليل احكيلك عن الزواج عندنا وعن تجربتى الشخصيه

من طرف **اشراقة حب** الأربعاء أغسطس 24, 2011 10:01 pm

ههههههههههههههههههههههههه

يلا مستنيه تحكي وبكل التفاصيل
الصغيره كمان............خلينا نشوف الفرق

من طرف **الغافقى** الأربعاء أغسطس 24, 2011 11:14 pm

[center]بصى

عندنا الزواج الرسمى بينقسم لقسمين

زواج الصالونات وزواج الحب

زواج الصالونات وهى إن العريس والعروسه بيتقابلوا فى بيت أحد الوسطاء

وبيتكلموا عادى جدا ولا كأن فى شىء وبيتكلموا فى أى أمور

وبيتعاملوا إنه مفيش حاجه ولو إن الإتنين بيكونوا عارفين

المهم لو حصل توافق

بيتوجه مجموعه من اهل العريس الرجال لمنزل العروسه يخطبوها

بس الزياره دى بتكون شرفيه

لأن التفاصيل بتكون خلصت مع الستات يعنى المهر والشبكه وخلافه

بيتفقوا بعد كده على يوم الخطوبه وهو حفل صغير أو كبير على حسب والد العروسه

لأنه على حسابه هو وده بعد مايكونوا إشتروا الشبكه وبيلبسوها فى اليوم ده

وعلى حسب مده الخطوبه بقى بيظل العريس داخل خارج عند خطيبته

وكل ماطالت المده بتكتر المشاكل وبيسيبوا بعض بفضيحه facher

ليه بقى قوليلى ليه أقولك

ماتقولى ليه يا أميره

attaque

لأن الباشا العريس داخل كل يوم من صلاه المغرب عند خطيبته ويفضل قاعد لقرب الفجر

وطبعا من عشا لعصير دلاع لسحور لفطار

يعنى من الآخر بياكل بالمهر اللى دفعه :cheers:

مش بقولك بيخرجوا بفضيحه

بس عندنا بقى المهر بيختلف غير عندكم

هى السنه إن العروسه تاخد المهر فى إيدها تصرفه زى ماتحب

عندنا المهر بيروح فى الجهاز مشاركه من أهل العروسه معايا

قلنا أول مشكله دخول وخروج العريس الكتير

العقبه التانيه

عندك ودى موضه جديده إتعملت حاجه إسمها عشا أم العريس

ودى بتروح يوم حفله الشبكه

وخدى عندك بقى لو ماكان العشا قد المقام

ناس فقر

ناس مأيانين ( ماتقوليش يعنى إيه علشان مش عارف )

ناس بخلا وخلافه

تدخلى بعد كده عندك بالسنه اربع مواسم وعيدين

نفسى أعرف حاجه بس

إيه علاقه نص شعبان إن العريس يدفع لخطيبته فلوس

لاء و27 رجب

ويوم عاشورا

طبعا غير العيدين

على فكره الفلوس اللى بتدفع دى للعروسه فى الخطوبه

بتكون على دماغ ابوها بعد الزواج لأنه لازم يبعت لبنته مواسم بس مش فلوس

ده رز وفاكهه ولحمه وخلافه

معايا نكمل

نيجى بقى لليوم الموعود

يوم كتابه قائمه العفش

وهنا بقى 90 % من حالات الزواج بتفشل بسبب القائمه دى

ولو عدت وإتكتبت على خير

بتلاقى يوم العفش وهو اليوم اللى بيتنقل فيه الأثاث من بيت الزوجه لبيت الزوج

وتلاقى أم العريس واقفه ومعاها قائمه العفش

وتسجل الحاجه اللى داخله وتشوف فيها حاجه زياده مكتوبه على ابنها ولا لاء

بعد كل المراحل دى بتيجى يوم الحنه

وفيه الصبح العريس بياخد العروسه يوديها الكوافير ويرجع ياخدها بالليل

ويقعد عند بيتها شويه معاها

وبعد كده يروح علشان حفلته مع اصحابه ويعمل الوليمه

ويوم الزواج تانى يوم الحنه وإسمه عندنا ليله الدخله

بتبدأ بعد العشا فى الصاله اللى فيها الفرح

ومن تانى يوم الصبح أه والله

بتبدأ المشاكل

ليه بقى

عندنا حاجه إسمها الصباحيه

ودى على ابو العروسه عباره عن فواكه ورز ومكرونه ودلاع وزيوت وسمن

بتروح على بيت العروسه ولازم تستنى عند ام العريس علشان توزعها عالاهل

ولازم وحتما ام العريس مايعجبهاش الصباحيه وتقول عيهم بخلا

أه نسيت اقولك

فى حاجه إسمها حله الإتفاق

ودى بيكون فيها 2 جوز حمام وفرخه أو دكر بط ودى عشا العريس والعروسه

شفتى عندنا سهل ازاى

فى الحلقه التانيه هحكيلك عن تجربتى انا والله بدون كذب زى ماحصلت

lol!

من طرف **الغافقى** الأربعاء أغسطس 24, 2011 11:33 pm

احكيلك أنا بقى من يوم ماشفت أم حبيبه لحد ما إتزوجنا

يومها كنت بصلى المغرب فى المسجد

ولى خالتى هى أكبر من والدتى ولكنها أم أخرى لنا كلنا نحبها كثيرا

قالتلى أحمد وجدت لك عروسه إنما إيه والله تمام

قلتلها أوك بشوفها إزاى

قالتلى تروح بيت جدها وتشوفها هناك

قلتلها مستحيل

إفرضى ماعجبتنى يكون وضعها إيه

أشوفها بره بيتها من غير ماتعرف إنى هخطبها

المهم ضغطت عليا إنى لازم اروح

المهم قلتلها ماشى هروح

كنت خارج من المسجد وقتها ولابس جلابيه وببش

ورحت بيهم

lool

اه والله

طبعا كانت حاجه غريبه اللى بيروح يشوف زوجه له بيكون لابس ومتشيك

انا رحت اى كلام بس كان ليا وجهه نظر

قلت ايه

لو ماعجبتنى هى كده كده هتقول عنى قليل الزوق وترفضنى هى وبكده ما اجرحها انا

إنما لو عجبتنى بعد كده اوضح وجهه نظرى

وقد كان

والله ياميرا شفتها ماكنت حابب اقوم

تانى يوم طبعا رحت لابس اللى عالحبل ومتشيك جدا

بعد كده عرفت انها اول يوم شتمت فيا وقالت

واحد ماعنده زوق ولا ادب جاى يتجوز ولابس ايه

bien

نجحت خطتى يعنى

المهم تم الموضوع على خير والحمد لله

كانت مده خطوبتى سنه واحده

ماحصل بينا اى مشاكل لأنى كنت مصدر الكلام الوحيد ولا ستات هنا او هناك

حتى يوم كتابه القائمه

والله ميرا رحت وهما بيطلبوا والدتى تحضر كتابتها علشان نشوف ايه مكتوب والاسعار وكده

قلتلهم لا والدتى ولا شىء

فينها القائمه

ووقعتها على بياض

قلتلهم انا واخد إنسانه بلحم ودم وهيكون بينا عشره

والله ميرا مرت سنه واحده كنت أخ لأخواتها ومعهم بكل شىء

أنا على فكره وحيد مالى غير بنتين متجوزين

المهم

بعد سنه عملنا الحنه وليله الدخله ومر كل شىء بسلام ولله الحمد

حتى إنها والله ربنا يباركلها قومتنى فجر أول يوم بحياتنا الزوجيه قالتى روح صلى الفجر

وللآن الحمد لله عايشين بخير حال

مش هقولك مافى قلق أو مشاكل ولكنها العادى اللى بيحصل بكل بيت

واهو إنتى تعرفى إنها مقيمه مع والدتها لأنها مريضه وأهلها شايلين هالجميل

ليها أخت أصغر منها بتحبنى جدا حتى إنها بتحكيلى عن أسرارها ومابتقول لأختها شىء

الحمد لله أنا تفاديت كل المشاكل اللى كانت ممكن تحصل وواللى حكيتلك عنها

قبل سابق

من طرف **اشراقة حب** الخميس أغسطس 25, 2011 12:50 am

ربنا يسعدك يارب يا احمد كمان وكمان ويارب
ديما مستورين دنيا واخره

من طرف **PRINCE4EVER** السبت سبتمبر 03, 2011 1:58 pm

أنا بقى ماليش دخل بكل الكلام دا وعاوز عروسه ..... اتصرفوا كلكم وهاتوا ليا عروسه

والا هاحملكم المسئوليه

من طرف **اشراقة حب** السبت سبتمبر 03, 2011 2:03 pm

ههههههههههههههههه

طيب يا برنس هات انت المواصفات واحنا نتصرف

ههههههههههههههههه

من طرف **PRINCE4EVER** السبت سبتمبر 03, 2011 2:08 pm

عاوزها اول حاجه تكون جميله ومتدينه ومن وسط اجتماعى كويس وبتخاف ربنا ويكون

صباع رجلها الشمال مقطوع ... هاتلاقوا بالمواصفات دى ولا صعب ؟؟

من طرف **اشراقة حب** السبت سبتمبر 03, 2011 2:13 pm

PRINCE4EVER كتب:عاوزها اول حاجه تكون جميله ومتدينه ومن وسط اجتماعى كويس وبتخاف ربنا ويكون

صباع رجلها الشمال مقطوع ... هاتلاقوا بالمواصفات دى ولا صعب ؟؟

هههههههههههههههههههه

ممكن نلاقيها بس مالشكله في الصباع دا؟

هههههههههههههههههههههه

موضوع جميل وطريف جدا
شكرا هدى شكرا غافقي

الزواج فى الدول العربيه

الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه

رد: الزواج فى الدول العربيه