شات الحياه أم حياه الشات

بدون مقدمات إحنا ما إتعرفنا ببعض إلا عن طريق الشات وفى فتره بسيطه جدا كان إرتباطنا ببعض كبير جدا

لدرجه صعب تصورها وده اللى أثار تساؤلات كتيره أوى كتير إتناقشوا فيها حب النت والزواج من الشات

وأنا مش هاتكلم فى النقط دى أنا بس عاوز أتكلم عالعلاقه بين الشات والحياه العامه ......... وهل بينهم تشابه


إنهارده كنت راكب أتوبيس وفكرت فى الشات والناس وإنى نويت تركه وجات الفكره فى دماغى

تخيلوا إن أنا لقيت الشات هو الحياه والله صوره مصغره منها أو بتعبير آخر ما الدنيا إلا شات كبير

بيتهايألى إن اللى إخترع الشات ده إبتكر قصته دى من الحياه

هو إحنا بندخل الشات ده عن طريق إيه مش النيك نيم يعنى لما تلاقى اسم زيزو أو هوب أو يارا بتحصل ألفه عالشات

لأنكم عارفين بعض من خلال النيم ده مع إنكم ما تشوفوا بعض أو تعرفوا بعض فى الحقيقه صح

طيب فى الحياه العامه أحمد صديق زيزو ويعرف حسن وشاف حبيبه لما بستقابل مع حد فيهم بيعرفوا بعض عن طريق

الشكل هو الشكل بس اللى بيعرفنا ببعض على الحياه العامه

مش برده فيه هنا وجه تشابه بين النيك نيم والشكل الخارجى للإنسان


تعالوا بقى إننا ما نعرف شخصيات بعض الحقيقيه عالشات أحب أعرفكم إنه برده شات الحياه ما بنعرف بعض حقيقه

إحنا بالنيك نيم بتاعنا على الشات بندارى نفسنا وحقيقتنا وراء شاشات الأجهزه وفى شات الحياه إحنا كل شخصيتنا

جوانا فى قلبنا اللى طيب خبيث حقود حاسد مؤمن فاجر ..فى حد فينا بيطلع على قلب حد أعتقد لاء طبعا وأثثبت كلامى

إحنا ممكن نعجب بشخص معين عالشات لمجرد إنه إتكلم بالدين شويه أو إنه بيحاول يظهر نفسه الحمل الوديع

إنما لو عرفته بالحقيقه أعوذ بالله منه .. سيدنا عمر بن الخطاب لما بيسأل رجل هل تعرف فلان فقال له الرجل نعم أعرفه

فقاله سيدنا عمر لعلك رأيته يصلى الركعه والركعتين فقال الرجل نعم يا أمير المؤمنين فقال له عمر لا ما عرفته

هلا عاملته بالدرهم والدينار وهى الشىء اللى بيظهر معدن الإنسان الغص من الطيب الثمين من الردىء

يبقى إيه بقى الفرق بين حياتنا العامه وبين الشات هى هى مافى فرق وراء شاشه بندارى ووراء قالب الجسم يختفى القلب

عن عيون الناس ولا تظهر إلا من خلال معاملته

كنت دايما ضد فكره حب النت والجواز من عالشات لقيت نفسى غلطان جدا هى هى برده ولو عايش قصاد جارك

20 سنه وجاء إتجوز أختك والله تلاقيه يخرج منه أشياء عمرك ما كنت متصورها ولا متخيلها

كنت دايما بقول لأم حبيبه وإحنا مخطوبين ممكن بعد سنين من حياتنا مع بعض تلاقى أحمد بقى له خلق أول مره تشوفيه

فما تستغربى هى الحياه كده لازم تأثر فينا زى دكتور الجراحه مثلا ممكن يكون معاه شهادات عاليه جدا ويجيله

مره شخص عنده مرض غريب يحتار فى تشخيصه



صدقونى إخواتى الأعزاء لو إتعلقتوا بحد عالشات أو إكتشفتوا كذب وخيانه واحد أو واحده عالنت ما تظلم النت ولا الشات

لاء كن متأكد إن هو ده الحياه والحياه هى دى

وأشهد إنى إتعلمت عالشات حاجات كتير جدا ما كنت لأتعلمها من حياتى الحقيقيه

هى بجد ممكن تتحسب دعوه مش للجواز من عالنت لاء ولكن لتغيير النظره لهذا الزواج فما الحياه والشات إلا وجهان لعمله

نفس العمله ولكنها ذات وجهين وعلى نطاقين مبسط وكبير جدا .. والنيك نيم ما هو إلا وجهنا فى الحقيقه

وجهاز الكمبيوتر فى الشات ما هو فى الحقيقه إلا القالب المسمى بالجسم الذى يختفى خلفه القلب محل نظر الله عز وجل

مش عارف بقى كلامى صح ولا غلط بس انا ده لقيته فعلا ولمسته وياريت رأيكم بجد هل الشات هو الحياه والحياه هى الشات

أخوكم أبو حبيبه