*** بحبك يامصر *** علاء علاء ***

من طرف **علاء علاء** الأحد يناير 08, 2012 4:20 pm

خايفه عليكي يا بلدي ليلبسوكي في يوم الكفن

خايفه عليكي لتضيعي ويا الزمن

خايفه لتضيع الفرحه ويموت جوانا الشجن

يا حلم يا رافع شعار الموت

مبقاش ينفع وياك السكوت

اتحكموا في ارضي كتير

وقتلوا باديهم الحلم الضرير

طالعين ورافعين رايه مش ساكتين

يا وطني مش راح نكون متهانين

خارجين وجوانا الم السنين

شايلين دم الشهيد

وحالفين حقه لنجيبه

ولو مش في ادينا الدليل

راح نعمل المستحيل

ولو كان الموت هو البديل

انا شايل كفني باديه

وحالف ما هقبل الديه

والتار بايدي راح اجيبه

وحقك يا بلدي مش راح اسيبه

خايفه عليكي يا مصر

ليضيع حلم العصر

وما نحس يوم بالنصر

يا وردة ذبلت علي الشجر

في عز سقوط المطر

يا بلدي فيكي الموت

مبقاش خطر

ضاع حلم الامان

وعشعش علي قلوبنا الاحزان

خايفين من اللي جاي

ليموت الحلم ويبقي السكون

وتعيش سفينه الطغيان

يا بلد العدل فيكي خلف القضبان

والظلم محاوطنا وفي كل مكان

كارهين الفجر اللي بيتشقشق علي الطغيان

رافضين يكون الظلم ليكي عنوان

من طرف **وحيد** الإثنين يناير 09, 2012 9:20 am

كلمات جميلة علاء

كما عاهدناك رائعة اختياراتك

ننتضر منك مزيد من التالق

من طرف **امل رشاد** الجمعة فبراير 03, 2012 12:07 pm

بنحبك يا مصر
مـصــر يــــاا رب ملهـاش غيــرگ ~
إحفظهـا وإحميهـا واهـدي أهلهــا !!..

آللهـمّ إنا إستـودعنـاگ مصـر وأمنهـا وأمانهـا ،،
فاحفظها بحفظك يـااا مـن لا تضيـع عنـده الودائـع
أنـت خيـرُ الحافظيـن

من طرف **اشراقة حب** الجمعة فبراير 03, 2012 12:26 pm

مصر ام الدنيا نبع الحضارات تاريخ الامجاد
مصر ام الدنيا رايتها شامخة مهما حاولو يدنسوها اسلمي يامصر

بحـــ يامصر ــبك

من طرف **بحر غرام** الجمعة فبراير 03, 2012 12:56 pm

ستدوم رغم الداء و الاعداء
مترنمة بقيمها السمحاء
انتي يا مصر
يا نعمة من السماء
للعروبة حضارة ليس لها فناء

ميدو ميدو

كلنا نحب مصر و نعتبرها الوطن و الموطن

بارك

* بحبك يامصر * علاء علاء ***